ការទម្លាយអាថ៌កំបាំង របស់អតីតប្រធាន CIA ក្នុងការជ្រៀតជ្រែកទៅលើប្រទេសដទៃ

សម្តី​ CIA អាមេរិក អាច​បញ្ជាក់​បាន​ថា ពិតជា​បាន​ណែនាំ​ឲ្យ​មេដឹកនាំ​បក្សប្រឆាំង​អនុវត្ត​ផែនការផ្តួលរំលំ​រដ្ឋាភិបាល​ខ្មែរ ដោយ​យក​គំរូ​តាម​យូ​ហ្គោ​ស្លា​វី និង ​ស៊ែ​ប​ប៊ី




Woolsey
​ភ្នំពេញ​ ៖ លោក សុខ ឥសាន អ្នកនាំពាក្យ​គណបក្ស​ប្រជាជន​កម្ពុជា​បាន​អះអាងថា ការលើកឡើងរបស់​ប្រធាន CIA សហរដ្ឋអាមេរិក អាច​បញ្ជាក់បាន​ថា សហរដ្ឋអាមេរិក​ពិត​ជា​បានណែនាំ​ឲ្យ​ក្រុម​មេដឹកនាំ​អតីត​គណបក្សប្រឆាំង​អនុវត្ត​ផែនការ​ផ្តួលរំលំ​រាជរដ្ឋាភិបាល​ស្របច្បាប់នៅ​កម្ពុជា ដោយ​យក​គំរូ​តាម​ប្រទេស​យូ​ហ្គោ​ស្លា​វី និង​ស៊ែ​ប​ប៊ី ហើយក៏​បង្ហាញ​ឲ្យ​ឃើញ​ពី​វប្បធម៌​លូកដៃ​ចូល​កិច្ចការ​ផ្ទៃក្នុង នៃ​បណ្តា​ប្រទេស​ដែល​មិន​រណប​ខ្លួន​។




​
​អ្នកនាំពាក្យ​គណបក្ស​ប្រជាជន​កម្ពុជា​លើកឡើង​បែបនេះ កាលពី​ព្រឹក​ថ្ងៃទី​១៩ ខែកុម្ភៈ ឆ្នាំ​២០១៨ និង​បន្ទាប់ពី​អតីត​នាយក​ទីភ្នាក់ងារ​ស៊ើបការណ៍​សំងាត់​អាមេរិក CIA បាន​ចេញមក​និយាយថា ការ​លូកដៃ​របស់​សហរដ្ឋអាមេរិក​នៅក្នុង​កិច្ចការ​បោះឆ្នោត នៃ​បណ្ដា​ប្រទេស​ដទៃ ធ្វើឡើង​ក្នុង​ហេតុផល​ល្អ​តែមួយគត់ គឺ​ដើម្បី​ផលប្រយោជន៍​នៃ​លិ​ទ្ធិ​ប្រជាធិបតេយ្យ​។




Woolsey
​លោក សុខ ឥសាន ថ្លែងថា ការលើកឡើង​របស់លោក James Woolsy អតីត​នាយក CIA របស់​សហរដ្ឋអាមេរិក​ថា ការ​លូកដៃ​របស់​សហរដ្ឋអាមេរិក​ចូល​កិច្ចការ​បោះឆ្នោត​នៅ​ប្រទេស​ដទៃ គឺ​សម្រាប់​ផល​ប្រយោជន៍​លទ្ធិប្រជាធិបតេយ្យ និង​បញ្ចៀស​ឥទ្ធិពល​នៃ​លទ្ធិ​កុំមុយនិស​នោះ គឺជា​ការ​ទទួលស្គាល់ថា សហរដ្ឋអាមេរិក​ពិត​ជា​បាន​លូកដៃ​ចូលក្នុង​កិច្ចការ​បោះឆ្នោត​នៅ​បណ្តា​ប្រទេស​ដទៃ ដើម្បី​បុព្វហេតុ​មនោគមន៍​វិជ្ជា​សេរីនិយម ប្រឈមមុខ​នឹង​មនោគមន៍​វិជ្ជា​កុំមុយនិស​និយម ដែល​បាននិងកំពុង​ប្រកួតប្រជែង​ក្នុង​ពិភពលោក​នេះ​។




Woolsey
​

តាម​លោក សុខ ឥសាន ការលើកឡើង​នេះ មិន​ខុសពី​ការនិយាយ​ផ្ទាល់មាត់​របស់លោក កឹម សុខា ដែល​បាន​លាតត្រដាង​ថា រដ្ឋាភិបាល​អាមេរិ​ក​ បាន​ណែនាំ​ឲ្យ​អនុវត្ត​ផែនការ​ផ្តួលរំលំ​រាជរដ្ឋាភិបាល​កម្ពុជា​ស្របច្បាប់ ដោយ​យក​គំរូ​តាម​ប្រទេស​យូ​ហ្គោ​ស្លា​វី​និង​ស៊ែ​ប​ប៊ី នោះទេ​។ ដូច្នេះ នេះ​ជាការ​បញ្ជាក់​ច្បាស់​ពី​វប្បធម៌​លូកដៃ​របស់​អាមេរិក ចូល​កិច្ចការ​ផ្ទៃក្នុង​បណ្តា​ប្រទេស​ដែល​មិន​រណប​ខ្លួន។ ម្យ៉ាងទៀត អាមេរិក​ចង់យក​បណ្តា​ប្រទេស​លើ​ពិភពលោក​ធ្វើជា​ភូមិសាស្ត្រ​នយោបាយ​ក្នុងការ​ប្រឈមមុខ នឹង​មនោគមន៍​កុម្មុយនិស្ត ដែលជា​គូសត្រូវ​របស់ខ្លួន។ ដូច្នេះ​ការលើកឡើង​ថា ដើម្បី​លទ្ធិប្រជាធិបតេយ្យ​នោះ ជា​យោបល់​ល្អ តែ​គំនិតអាក្រក់ គឺ​មិនបាន​គិតដល់​លទ្ធិប្រជាធិបតេយ្យ​នៃ​បណ្តា​ប្រទេស​នោះទេ ប៉ុន្តែ​យក​លទ្ធិប្រជាធិបតេយ្យ​ជា​ខែល ដើម្បី​បំផ្លាញ​សេចក្តីសុខ​របស់​ប្រទេស​ដទៃ ដែល​ខ្លួន​មិន​ពេញចិត្ត​។

​




សូមបញ្ជាក់ថា តាម​ការផ្សាយ​របស់​សារព័ត៌មាន Sputnik កាលពី​ព្រឹក​ថ្ងៃ​ច័ន្ទ ទី​១៩ ខែកុម្ភៈ ឆ្នាំ​២០១៨ អតីត​នាយក​ទីភ្នាក់ងារ​ស៊ើបការណ៍​សំងាត់​អាមេរិក CIA លោក ចេ​ម​ស៍ វូ​ល​សី (James Woolsey) បាន​និយាយ​នៅក្នុង​កិច្ចសម្ភាសន៍​មួយ តា​ម​ក​ញ្ចក់​ទូរទស្សន៍ Fox News កាលពី​ចុង​សប្ដាហ៍​កន្លងទៅ​ថា ការ​លូកដៃ​របស់​សហរដ្ឋអាមេរិក​នៅក្នុង​កិច្ចការ​បោះឆ្នោត នៃ​បណ្ដា​ប្រទេស​ដទៃ ធ្វើឡើង​ក្នុង​ហេតុផល​ល្អ​តែមួយគត់​នោះ គឺ​ដើម្បី​ផលប្រយោជន៍ នៃ​លិ​ទ្ធិ​ប្រជាធិបតេយ្យ​។



Robert James Woolsey
​ការលើកឡើង​របស់លោក James Woolsey ចំ​ពេលដែល​អាមេរិក​កំពុង​ចោទ​រុស្ស៊ី​ថា បាន​ជ្រៀតជ្រែក​ក្នុង​កិច្ចការ​បោះឆ្នោត​អាមេរិក កាលពី​ឆ្នាំ​២០១៦​។ ជាមួយគ្នា​នោះ នៅពេល​គេ​សួរ​ពី​ការ​ជ្រៀតជ្រែក​របស់​សហរដ្ឋអាមេរិក ក្នុង​កិច្ចការ​បោះឆ្នោត​ប្រទេស​ដទៃ អតីត​នាយក CIA រូបនេះ បាន​គូសបញ្ជាក់ថា វា​អាចទៅរួច ប៉ុន្តែ​វា​ធ្វើឡើង​ក្នុង​ចេតនា​ល្អ ដើម្បី​បញ្ចៀស​ឥទ្ធិពល​លិទ្ធិ​កុម្មុយនិស្ត​តែប៉ុណ្ណោះ​។




Robert James Woolsey
​

លោក James Woolsey គឺជា​អតីត​នាយក CIA ក្រោម​រដ្ឋបាល​អតីត​ប្រធានាធិបតី​អាមេរិក លោក Bill Clinton ហើយ​ការលើកឡើង​របស់លោក​កើតមានឡើង បន្ទាប់ពី​ជនជាតិ​រុស្ស៊ី ១៣​នាក់ ត្រូវបាន​ចោទប្រកាន់​ពីបទ​ជ្រៀតជ្រែក​ក្នុងការ​បោះឆ្នោត​ប្រធានាធិបតី​អាមេរិក កាលពី​ឆ្នាំ​២០១៦៕

រូបភាព អត្ថបទ ៖ ចៅនាគរាជ