ភាពក្រីក្រមិនថាស្រុកគេ ស្រុកយើង ជាពិសេសពលរដ្ឋដែលជួបវិបត្តិសេដ្ឋកិច្ចនៅក្នុងគ្រួសារ ពីមួយថ្ងៃទៅមួយថ្ងៃ បានកំពុងតែស្វែងរកនូវការងារក្រៅប្រទេស(ចំណាកស្រុក) ដោយនៅក្នុងចិត្តម្នាក់ៗសង្ឃឹមថា អាចរកប្រាក់ចំណូលបានខ្ពស់ ដើម្បីជួយផ្គត់ផ្គង់គ្រួសារកំពុងជួបការខ្វះខាតជីវភាពប្រចាំថ្ងៃ ។ ហេតុនេះ មិនថា ប្តី ឬ ប្រពន្ធ អ្នកនៅលីវទេ ត្រូវតែសម្រេចចាកចេញពីប្រទេសរបស់ខ្លួន ទៅកាន់ប្រទេសដែលមានការងារទទួលបានប្រាក់កម្រៃខ្ពស់ជាង ។ ប៉ុន្តែ ទន្ទឹមនោះផងដែរ ក៏មានរឿងរ៉ាវឈឺចាប់កើតឡើង រវាងអ្នកមានជីវិតគូ ដែលមានចិត្តផិតក្បត់ទៅផ្អែមល្អែមនឹងស្រីផ្សេង ដោយពុំគិតពីកម្លាំងញើសឈាមរបស់អ្នកត្រូវទៅតស៊ូប្រថុយប្រថានជីវិតនឹងស្រុកគេ ដែលរហូតឲ្យមានការតាក់តែងជាបទចម្រៀងផងដែរដូចជាបទ «ខ្មាសមិត្តកូរ៉េ» ជាដើម ។
យ៉ាងណាមិញ នារីជាពលករជនជាតិហ្វីលីពីនម្នាក់ ឈ្មោះថា Princess Sittie Fairodz Utto ដែលធ្វើការទាំងយប់និងថ្ងៃ ក្នុងក្តីសង្ឃឹមនឹងធ្វើឲ្យជីវិតកូនស្រីរបស់នាងប្រសើរជាងមុន ហេតុនេះ នាងបង្ខំចិត្តត្រូវចាកចោលប្តីឲ្យនៅមើលថែកូនៗទាំងក្តីអាឡោះអាឡៃ ក្នុងក្តីសង្ឃឹមបានប្រាក់ខែច្រើនបញ្ជូនត្រឡប់មកផ្ទះ ។ប៉ុន្តែ ផ្ទុយទៅវិញ វាបានធ្វើឲ្យនាងទន់ខ្លួន និងស្ទើរគាំងបេះដូងស្លាប់មួយរំពេច នៅពេលដែលនាងបើកមើលហ្វេសប៊ុក ដើម្បីបានមើលឃើញស្នាមញញឹម ភាពកក់ក្តៅរបស់កូនៗ និងស្វាមី តែបែរជាឃើញប្ដីរបស់ខ្លួនធ្វើបែបនេះទៅវិញ។
0 comments:
Post a Comment