ក្ដៅៗ មន្ត្រីជាន់​ខ្ពស់​ម៉ិចស៊ីកូ ជិះ​ឧទ្ធម្ភាគចក្រ​ទៅពិនិត្យ​​តំបន់​រងគ្រោះ​រញ្ជួយដី តែបែរជា​ធ្លាក់​ចំ​ប្រជាជន ​ស្លាប់១៣នាក់ មានវីដេអូ

ម៉ិចស៊ីកូ៖ បើយោងតាម​​ព័ត៌មានពី The Guardian នាព្រឹក​​ថ្ងៃអាទិត្យ ទី១៨ ខែកុម្ភៈ ឆ្នាំ២០១៨ បានឲ្យដឹងថា ឧទ្ធម្ភាគចក្រ​​ដែល​រដ្ឋមន្ត្រី​ក្រសួង​មហាផ្ទៃ​ម៉ិចស៊ីកូ និងអភិបាលរដ្ឋ​រង​គ្រោះរញ្ជួយដី​​ជិះនោះ បានធ្លាក់ចំ​លើ​ទីកន្លែងដែល​មាន​ប្រជាជន​ឈរ​ត្រៀបត្រា បណ្តាល​ឲ្យ​មនុស្ស១៣នាក់ស្លាប់ និង១៥នាក់​​រងរបួស ប៉ុន្តែមន្ត្រីជាន់​ខ្ពស់​ទាំងពីររូប គឺមានសុវត្ថិភាព​​ជាធម្មតា។ មន្ត្រីប្រចាំរដ្ឋ Oaxaca បានអះអាង​ថា ស្ត្រី០៥នាក់, បុរស០៤នាក់ និងក្មេងៗ០៣នាក់ គឺស្ថិតនៅក្នុង​ចំណោមអ្នកបាត់​បង់ជីវិត ខណៈមនុស្ស​ម្នាក់ទៀត​បានស្លាប់ពេល​បញ្ជូលទៅ​ដល់​មន្ទីរពេទ្យ។ អ្នកស្លាប់​ទាំងអស់ គឺជាប្រជាជនដែល​នៅលើដី ហើយដោយឡែក​អ្នកនៅលើឧទ្ធម្ភាគចក្រ​ទាំងអស់ គឺមិនមាន​នរណាបាត់បង់​ជីវិតឡើយ។




 



 



 



 
 

 




 
គួរបញ្ជាក់ឡើងវិញផងដែរថា ឧទ្ធម្ភាគចក្រ​មួយគ្រឿងខាងលើនេះ បានដឹកមន្ត្រីជាន់ខ្ពស់​​ទាំងពីររូប គឺរដ្ឋមន្ត្រី​មហាផ្ទៃ លោក Alfonso Navarrete និង អភិបាលរដ្ឋ Oaxaca លោក Alejandro Murat បានធ្លាក់ ប៉ុន្តែអ្នកទាំងពីរ​​អាចរួចរស់ជីវិត ហើយ​ភ្លាមៗ​សារព័ត៌មាន​បានផ្សាយថា មានតែមនុស្សពីរនាក់​ប៉ុណ្ណោះ​បានស្លាប់។ មន្ត្រីជាន់​ទាំង​ពីរ​រូប បានធ្វើ​ដំណើរ​ទៅកាន់​តំបន់​រងគ្រោះ ដើម្បីពិនិត្យ​មើល​ការខូចខាតនានា ក្រោយគ្រោះរញ្ជួយ​​ដ៏កក្រើក នៅតំបន់ភាគ​ខាង​ត្បូង​ប្រទេស កម្រិតរហូត​ដល់៧.២រ៉ិចទ័រ៕




 



 



 
 








 



 
 




Coffins with bodies of the victims are pictured inside a home after a military helicopter, carrying Mexico's interior minister and the governor of the southern state of Oaxaca, crashed on top of two vans in an open field while trying to land in Santiago Jamiltepec, Mexico February 17, 2018. REUTERS/Jorge Luis Plata