កម្មករចំណាកស្រុកដើរទៅកាន់ស្ថានីយរថភ្លើងរៀងរាល់យប់ដើម្បីធ្វើរឿងមួយនេះពេលដឹងមូលហេតុគ្រប់យ៉ាងស្ទើរស្រក់ទឹកភ្នែក

ការចាកចោល​គ្រួសារ​ទៅធ្វើ​ការ​នៅ​ទីកន្លែង​ដទៃ គឺ​ប្រហែលជា​បញ្ហា​ដែល​ពិបាក​បំផុត ដែល​ពលករ​ចំណាកស្រុក​ត្រូវ​ប្រឈម

មុខ ។ ទោះយ៉ាងណា បុរស​ម្នាក់នេះ​បាន​សម្រេចចិត្តថា គ្មាន​បញ្ហា​អ្វី​នោះទេ សម្រាប់​ទីកន្លែង​ដែល​គាត់​ទៅ​, គាត់​ត្រូវតែ​ស្ថិត​នៅជាប់​គ្រួសារ​របស់គាត់ បើ​ទោះ​ត្រូវ​ដើរទៅ​កាន់​ស្ថានីយ៍​រថភ្លើង​រៀងរាល់​យប់​ក៏ដោយ ដើម្បី​បានធ្វើ​រឿង​មួយ​នេះ ។​




Ge Yuanzheng ដែល​មកពី​ខេត្ត Henan គឺជា​ពលករ​ម្នាក់ ក្នុងចំណោម​ពលករ​រាប់លាន​នាក់ នៅក្នុង​ប្រទេស​ចិន ។ កាលពី​ខែតុលា ឆ្នាំមុន គាត់​បាន​ផ្លាស់​ទៅកាន់​ទីក្រុង​សៀង​ហៃ ដើម្បី​ប្រកបការងារ​ជា​កម្មករសំណង់ ព្រោះ​ចង់​ឲ្យ​គ្រួសារ​របស់គាត់​មាន​ជីវភាព​ល្អប្រសើរ​នឹង​គេ ។ គាត់​រកលុយ​បាន​ពី ២០០ យន់ ទៅ ៣០០ យន់ ក្នុង​១​ថ្ងៃ ។ នៅ​ទីនោះ Ge បានរស់នៅ​ជាមួយ​អ្នក​រួម​ការងារ​ដទៃទៀត ដែល​ស្នាក់​នៅក្នុង​អន្តេវាសិកដ្ឋាន​មួយ ហើយ​គាត់​គ្រាន់តែ​ចំណាយលុយ​ទៅលើ​តម្រូវ​ការចាំបាច់​ប្រចាំថ្ងៃ​ខ្លួន​គាត់​ប៉ុណ្ណោះ ។​



ជាការ​ពិត បន្ទាប់​រយៈពេល ៣ ខែ ធ្វើការ​នៅ​ទីនោះ (​សៀង​ហៃ​) គាត់​ពុំដែល​បោះជំហាន​ទៅកាន់​ទីកន្លែង​ទេសចរណ៍​ល្បី​ណាមួយ​សូម្បី​១​លើក​ឡើយ ព្រោះ​បារម្ភ​ថា គាត់​នឹង​ចំណាយ​ប្រាក់​ខាតបង់​ឥតប្រយោជន៍ ។ គាត់​ខំ​សន្សំសំចៃ​ខ្លាំងណាស់ ដែល​សូម្បី​រិះថាំ ក្នុងការ​ចំណាយលុយ​ទៅលើ​សេវា​ប្រើ​អ៊ី​ន​ធើរ​ណេ​ត ដើម្បី​ទំនាក់ទំនង​ខ​ល​វីដេអូ​ទៅផ្ទះ ។ Ge និយាយថា​៖ «​ខ្ញុំ​មិន​ចង់​ចំណាយលុយ ប៉ុន្តែ ខ្ញុំ​នឹក​ផ្ទះ និង​ចង់​និយាយ​ទៅកាន់​គ្រួសារ​» ។​
​ដើម្បី​ដោះស្រាយ​បញ្ហា​ទ្វេ​នេះ គាត់​បានសម្រេច​ចិត្ត​ទាញយក​ប្រយោជន៍​ពី​សេវា​អ៊ី​ន​ធើរ​ណេ​ត «Wi-Fi» ដែលមាន​សេវា​ល្អឥតខ្ចោះ នៅឯ​កន្លែង​ស្ថានីយ៍​រថភ្លើង ។ រៀងរាល់​យប់ គាត់​បាន​ដើរទៅ​កាន់​ទីនោះ និង​អង្គុយ​តេជ​ជែក​ជាមួយ​ប្រពន្ធ​របស់គាត់ ដើម្បី​បញ្ជាក់​ឲ្យ​នាង​ដឹងថា គាត់​ស្រលាញ់ និង​គិតពី​ប្រពន្ធ​ប៉ុណ្ណា​! ។

​គួរ​បញ្ជាក់ថា Ge និង​ប្រពន្ធ​របស់គាត់ មានកូន​ក្នុងបន្ទុក ២ នាក់ ។ កូន​របស់​ពួកគេ​សព្វថ្ងៃ មានការ​ងារ​ធ្វើ​ហើយ ខណៈ​កូនស្រី​វិញ កំពុង​សិក្សា​ផ្នែក​គិលានុបដ្ឋាយិកា ។ បើតាម​ដឹង នោះ​ថ្លៃ​សិក្សា​កូនស្រី​របស់​ពួកគេ ត្រូវ​បង់​ប្រហែល ៣០ ពាន់​យន់ ក្នុង​១​ឆ្នាំ ៕




 
ប្រភព ksn

អានព័ត៌មានថ្មីៗ 

រឿងដ៏​គួរ​ឲ្យ​ចាប់​អារម្មណ៍​ទាំង១១ នៃ​ប្រទេស​ឡាវ ដែលអ្នក​គួរដឹង

១. ឡាវ ជា​ប្រទេស​តែមួយ​គត់​នៅ​អាស៊ីអាគ្នេយ៍ ដែលគ្មាន​សមុទ្រ។




២. ឡាវ ជា​ប្រទេស​ដែលមាន​ការ​ទទួលទាន​បាយ​ដំណើប​ច្រើន​បំផុត​ក្នុង​ពិភពលោក។



៣. ភាសា​ឡាវ មាន​ទំនាក់​ទំនង​យ៉ាង​ជិតស្និទ្ធ​ទៅនឹង​ភាសា​ថៃ ហើយអាច​និយាយ​យល់គ្នា​បាន។



៤. ឡាវ ជា​ប្រទេស​ដែល​ទទួល​រងការ​ទម្លាក់​គ្រាប់បែក​ច្រើន​បំផុត​ក្នុង​ពិភពលោក ប្រមាណ​ជាង ២ពាន់​លាន​តោន ដែល​ទម្លាក់​ដោយ​អាមេរិក ក្នុង​អំឡុង​សង្គ្រាម​វៀតណាម។ ក្នុងនោះ ៣០% ជាគ្រាប់​បែក​មិនទាន់ផ្ទុះ។



៥. ឡាវ គឺជា​អ្នក​ប្រើប្រាស់​ថាមពល​ព្រះអាទិត្យ​ដ៏ធំ​បំផុត​លំដាប​ទី២ បន្ទាប់ពី​ប្រទេស Luxemborg។



៦. ឡាវ ជា​ប្រទេស​ទី៣ នៃអ្នក​ផលិត​អាភៀន​ដ៏​ធំ​បំផុត​ក្នុង​ពិភពលោក។



៧. ឡាវ មាន​ទឹកធ្លាក់​ដ៏​ធំ​បំផុត​នៅ​អាស៊ីអាគ្នេយ៍ គឺ​ទឹកធ្លាក់​ខនប៉ាក់ផេង (Khone Papeng)។



 
 




 



 



៨. ឡាវ ស្ថិតក្នុង​ចំណោម​ប្រទេស​កុម្មុយនីស្ត​ទាំង៥ ក្នុង​លោក ដែលមាន​ដូចជា វៀតណាម កូរ៉េខាងជើង ចិន និង​គុយបា។



៩. ផលិតផល​កសិកម្ម​សម្រាប់​នាំចេញ​ដ៏​ធំ​បំផុត​របស់​ឡាវ គឺ កាហ្វេ។



 



 



១០. បុណ្យ​ចូលឆ្នាំ​ថ្មី​របស់ឡាវ មាន​រយៈពេល ៣​ថ្ងៃ គឺថ្ងៃ​ទី ១៣ ដល់ ១៥ មេសា ដែល​ដូចទៅ​នឹង​ប្រទេស​កម្ពុជា និងថៃ​ផងដែរ។



១១. វៀងចន្ទន៍ ជា​រដ្ឋធានី និង​ជា​ទីក្រុង​សេដ្ឋកិច្ច​របស់​ឡាវ ចំណែក លួងព្រះបាង ជា​ទីក្រុង​វប្បធម៌៕