ហួសចិត្ត!! ស្រីស្អាតម្នាក់ រវល់តែជក់ចុចទូរស័ព្ទ ដើរភ្លេចមើលផ្លូវ ក៏ផុងជើងជាប់លូ គួរឲ្យខ្មាសគេណាស់…(មានវីដេអូ)

ចិន៖ នារីវ័យក្មេងជនជាតិចិនម្នាក់ រងការអាម៉ាស់យ៉ាងខ្លាំង ដោយសារតែ ភាពធ្វេសប្រហែស ដើរមិនប្រយ័ត្នរវល់ឈ្ងោកចុចតែទូរស័ព្ទ បណ្តាលឲ្យផុងជើងមួយចំហៀង ជាប់ក្នុងលូរងការឈឺចាប់។បើយោងតាមកាសែតចិន East Day News បានចុះផ្សាយថា នារីរងគ្រោះមិនត្រូវបានគេបង្ហាញអត្តសញ្ញាណខាងលើនេះ មានអាយុ២០ឆ្នាំ។ នៅថ្ងៃកើតហេតុ ថ្ងៃសុក្រកន្លងទៅ យុវតីរូបនេះ ត្រូវបានគេរាយការណ៍ថា នាងបានប្រើទូរស័ព្ទ ខណៈពេលកំពុងតែដើរក្នុងទីសាធារណៈ និងមានពាក់នូវស្បែកជើងកែងចោតផងដែរ។




ជាអកុសល ដោយសារតែភាពធ្វេសប្រហែស ជក់លេងទូរស័ព្ទបណ្ដើរដើរបណ្ដើរ ជាហេតុធ្វើឲ្យនាងភ្លេចមើលក្រោម និងមិនបានចាប់អារម្មណ៍ថាមានគម្របលូផងនោះ ទើបបណ្តាលឲ្យស្រីស្អាត រាងស៊្វែលជើងស្រឡូនរូបនេះ ផុងជើងស្ដាំអស់មួយចំហៀង ជាប់ក្នុងលូទាំងក្តីអាម៉ាស់តែម្តង។ក្រោយកើតហេតុ នាងក៏ត្រូវបានអ្នកដំណើរនៅក្បែរនោះចូលមកជួយ។



អ្នកដំណើរប្រុសពីរនាក់ បានប្រញាប់ប្រញាល់រត់ទៅខ្ចីដែកគាស់ ពីហាងមួយកន្លែងនៅក្បែរនោះ ដើម្បីគាស់បង្ហើបគម្របលូជួយសង្គ្រោះនាងផងដែរ។ទោះបីជាយ៉ាងណាក្តី ប្រភពព័ត៌មានមិនបានឲ្យដឹងច្បាស់ ថាតើនារីរងគ្រោះ អាចនឹងរងរបួសធ្ងន់ស្រាល ត្រូវបញ្ជូនទៅសង្គ្រោះនៅមន្ទីរពេទ្យ ឬយ៉ាងណានោះទេ ៕



 



 



 



 



 



 



ទស្សនាវីដេអូខាងក្រោម៖