ស្ត្រីជាប្រពន្ធវ័យក្មេងម្នាក់នៅក្នុងប្រទេសថៃ ត្រូវបានចាប់ខ្លួន និងចោទប្រកាន់ពីបទមនុស្សឃាត បន្ទាប់ពីនាងបានធ្វើសកម្មភាព ចាក់ប្តីវ័យចំណាស់របស់ខ្លួនជាច្រើនកាំបិតរហូតស្លាប់ ។
យោងតាម Coconuts បានឲ្យដឹងថា ស្ត្រីឈ្មោះ Nittaya Saengdeuan អាយុ ២២ ឆ្នាំ ត្រូវបានចោទប្រកាន់ចាក់ប្តីរបស់នាងឈ្មោះ Amnuay Wensila អាយុ ៦២ ឆ្នាំ រហូតស្លាប់ នៅឯផ្ទះរបស់ពួកគេ បន្ទាប់ពីកើតជម្លោះដ៏ខ្លាំងក្លាមួយ នៅពេលដែលនាងបានរកឃើញ «ស្រោមអនាម័យ» នៅក្នុងហោប៉ៅរបស់ប្តី ដែលជាហេតុ ធ្វើឲ្យនាងជឿថា គាត់កំពុងផិតក្បត់នាង ។
Daily News បានរាយការណ៍ថា បន្ទាប់ពីចាក់បណ្តាលឲ្យប្តីស្លាប់រួចហើយ Nittaya បានសារភាពថា បានលាក់ទុកសាកសពរបស់ប្តីនៅក្នុងខ្នោះបង្គន់ ស្ថិតនៅខាងក្រោយផ្ទះរបស់ខ្លួន ។
គួរបញ្ជាក់ថា នៅពេលសាកសួរចម្លើយដំបូង Nittaya បានបដិសេធធ្វើរឿងហេតុនេះឡើយ ។ ប៉ុន្តែ ដោយសារសួរដេញដោលដ៏មានជំនាញរបស់សមត្ថកិច្ច ចុងក្រោយ នាងក៏បានសារភាពអំពីទោសកំហុសដ៏ជ្រុលហួស មកលើប្តីរបស់ខ្លួនតែម្តងទៅ ៕
0 comments:
Post a Comment