ប៉ុន្មានថ្ងៃកន្លងទៅហាក់ដូចជាជាសុបិន្តអាក្រក់មួយ ចំពោះគ្រួសារនាង Debbie Merrick ចាប់តាំងពីពួកគេទិញតុក្កតា
បុរាណមួយ ដើម្បីដាក់តាំងនៅក្នុងផ្ទះ ។ ពួកគេសង្ស័យថា គ្រួសារខ្លួនកំពុងត្រូវតុក្កតាចម្លែកនេះបន្លាច ។
មុននេះ ៣ សប្តាហ៍ អ្នកស្រី Debbie Merrick ជនជាតិអង់គ្លេស បានទិញតុក្កតាមួយក្នុងផ្សារណាត់សប្បុរសធម៌តម្លៃថោក ក៏ប៉ុន្តែ ចាប់តាំងពីពេលនោះ គ្រួសារអ្នកស្រីតែងជួបប្រទះបាតុភូតចម្លែកៗនៅក្នុងផ្ទះ ដោយគ្មានវិទ្យាសាស្ត្រណាអាចបកស្រាយកើត ។
អ្នកស្រី Debbie ឲ្យដឹងថា នៅព្រឹកមួយនៃសប្តាហ៍ដំបូង បន្ទាប់ពីយកតុក្កតាចូលផ្ទះ ស្វាមីអ្នកស្រីគឺលោក Cameron ស្រាប់តែភ្ញាក់ឡើងដោយមានស្នាមកោសចម្លែកលើជើងស្តាំ ។ បន្ទាប់មកទៀត សម្លេងនាឡិការោទិ៍មិនឈប់ឈរ ។ មានយប់ខ្លះ ដឹងខ្លួន អ្នកស្រីស្រាប់តែឮសម្លេងក្រេះក្រុសលើកម្រាលឥដ្ឋ ។ ដំបូងអ្នកស្រីស្មានថា នោះជាសម្លេងជើងរបស់កូនស្រី តែពេលត្រួតពិនិត្យឃើញកូនស្រីនៅកំពុងដេកលក់ ទើបអ្នកស្រីចាប់ផ្តើមភ័យខ្លាច ។
ត្រឹមតែអ្នកស្រី Debbie ទេ សូម្បីតែមិត្តភក្តិម្នាក់របស់អ្នកស្រី ក៏មានអារម្មណ៍ថា តុក្កតានេះមានអ្វីនោះមិនធម្មតា ។ អ្នកស្រីសម្រេចដាក់វាចូលក្នុងប្រអប់មួយ រួចទុកនៅក្នុងឃ្លាំង ក៏ប៉ុន្តែ គ្រប់យ៉ាងពុំទាន់បង្ឈប់ត្រឹមនេះ ។ ទោះបីបានស្ថិតនៅក្នុងប្រអប់ តែអ្នកស្រី Debbies នៅតែមានអារម្មណ៍ដូចជាកំពុងកម្រើកដោយខ្លួនឯង ។ ហើយខ្សែករបស់វានៅសុខៗស្រាប់តែជ្រុះមកដោយពិបាកយល់ ។
ចុងក្រោយ អ្នកស្រីសម្រេចពពាយនាយលក់តុក្កតានោះលើ eBay ។ ប៉ុន្តែ ពុំដឹងថា តើមាននរណាហ៊ានទិញវា ឬអត់ ?
0 comments:
Post a Comment