មនុស្សជាច្រើនចង់បញ្ចុះទម្ងន់ និងប្រាថ្នាពុំឲ្យវាឡើងត្រឡប់មកវិញនោះទេ សូម្បីបន្ទាប់ពីបរិភោគច្រើនក៏ដោយ ។ ប៉ុន្តែ
ចំណែកនារីម្នាក់នេះវិញ ពិតជាគួរឲ្យអាណិតណាស់ ថ្វីបើនាងខំប្រឹងហូបជាងមនុស្សធម្មតាក៏ដោយ ក៏វាមិនងាយស្រួលដូចដែលយើងរំពឹងទុកនោះទេ ។
Patrisha Banawa រស់នៅក្នុងប្រទេសឥណ្ឌូនេស៊ី បានទទួលពីជំងឺខ្នោងកោង (scoliosis) ដែលធ្វើឲ្យសរីរាង្គសឹងតែពុំអាចទៅរួច សម្រាប់នាងឡើងសាច់ឈាមដូចអ្នកដទៃបាន ។ ទោះបីជំងឺកោងខ្នងនេះហាក់ដូចមិនមានជាជំងឺកាចសាហាវប៉ះពាល់ដល់អាយុជីវិតក្តី តែការឈឺចុកចាប់ពីវាធ្វើឲ្យនាងពុំអាចទ្រាំទ្របាន ។ ប្រសិនបើអ្នកសម្លឹងមើលខ្នងមនុស្សណាម្នាក់ នោះអ្នកនឹងឃើញថា ឆ្អឹងខ្នងរត់ចុះត្រង់កណ្តាល ។ តែនៅពេលមនុស្សម្នាក់មានជំងឺកោង នោះឆ្អឹងខ្នងរបស់ពួកគេកោងទៅម្ខាងនៃដងខ្លួន ។
មនុស្សនឹងតែងរិះគន់នាង ចំពោះរូបរាងស្គមកំព្រឹងរបស់នាង ដោយមើលងាយ និងសូម្បីចំអកថានាងពុំញ៉ាំហូប ។ ប៉ុន្តែ Patrisha និយាយថា នាងហូបច្រើនណាស់ ប៉ុន្តែ ពុំឡើងសាច់ (ទម្ងន់) នោះឡើយ ។ ការឈឺចាប់នាងបានជួបពីជំងឺនេះ សឹងតែពុំអាចធ្វើឲ្យនាងទ្រាំទ្របាននៅពេលខ្លះ ។
តាមនាង នាងមានអារម្មណ៍ថាហាក់ដូចជាសរីរាង្គខាងក្នុងរបស់នាង ត្រូវបានបំផ្លាញ ព្រោះដោយសារភាពខុសប្រក្រតីនៃឆ្អឹងខ្នងរបស់នាង ។ នាងនឹងតែងមានអារម្មណ៍ថាស្គមស្គាំង ហើយពិបាកដកដង្ហើម ។
នាងក៏បានលើកឡើងថា មនុស្សរិះគន់នាងថានាងបាន «ការងារលើសកម្លាំង» នៅពេលនាងត្អូញត្អែរអំពីការឈឺចាប់នេះ ។ នាងបន្តថា នាងគ្រាន់តែត្អូញត្អែរអំពីការឈឺចាប់ នៅពេលវាឈានដល់កម្រិតខ្លាំងក្លា ។ ជាចុងក្រោយ នាងបានផុសសារព្រមានដល់អ្នកដទៃដែលមានជំងឺកោងខ្នង ត្រូវឲ្យវេជ្ជបណ្ឌិតត្រួតពិនិត្យ និងព្យាបាលវាភ្លាមៗតាមដែលអាចធ្វើទៅបាន ហើយសូមពួកគេកុំយួរវត្ថុធ្ងន់ៗអីណា៎!! ៕
0 comments:
Post a Comment