ថ្លៃអីក៏ថ្លៃយ៉ាងនេះ!!! ទីបំផុតរថយន្តដ៏អស្ចារ្យ ROLLS ROYCE PHANTOM 2018 បានមកដល់ខ្មែរហើយ វាជារបស់ ឧកញ៉ា ហុង ពីវតែម្តង (មានវីដេអូ)
កាលពីម្សិលមិញនេះ មានរឿងគួរឲ្យភ្ញាក់ផ្អើលមួយបន្ទាប់ពីហ្វេសប៊ុកផេកមួយឈ្មោះ Car New Slyle គាត់បានបង្ហោះរូបរថយន្តមួយ ព្រមទាំងសារ ដោយសរសេរថា៖ "សូមស្វាគមន៏ Rolls Royce Phantom 2018 របស់ឧកញ្ញ៉ា ហុង ពីវ មួយគ្រឿងតំបូងគេនៅកម្ពុជាសម្រាប់ឆ្នាំ2018 តម្លៃជិតឬក៏ក្បែលានដុល្លារ។"
ក្រុមហ៊ុន Rolls Royce កាលពីកន្លងទៅបានបញ្ចេញរថយន្តថ្មីស៊េរី ០១៨ គឺ Rolls Royce Phantom ដែលបំពាក់បច្ចេកវិទ្យាទំនើប ស័ក្តិសមសម្រាប់សេដ្ឋីមានត្រកូលខ្ពស់ ពិសេសអ្នកមានលំដាប់ប្រាក់លានដុល្លារនៅស្រុកខ្មែរ។
ចំពោះលក្ខណៈសម្បត្តិរបស់រថយន្តមួយនេះគឺ៖
– Phantom ស៊េរីថ្មីនេះ ត្រូវប្រដូចទៅនឹងកំពូលគ្រឿងយន្តលើដីប្រណិត ទំនើបគ្មានពីរ
– រូបរាងឡានទាងខាងក្នុងនិងខាងក្រៅ ស្ទើរតែទាំងអស់ ផលិតពីអាលុយមីញ៉ូមរលើបរលោងបំផុត
– បំពាក់ម៉ាស៊ីនប្រភេទ V12 ផ្តល់កម្លាំងម៉ាស៊ីន ៥៦៣ សេះ ឯល្បឿនកុងទ័រស្ទុះឡើងដល់ ១០០ គីឡូម៉ែត្រក្នុងមួយម៉ោង ត្រឹមពេលតែ ៥,៣វិនាទី ប៉ុណ្ណេះ
– រូបរាងវា គឺក្រុមហ៊ុនយកលំនាំតាម 100EX Concept ដែលជារថយន្តគំរូអនាគតរបស់ Rolls Royce
– តាប្លូខាងមុខ កន្លែងខ្លះធ្វើពីឈើប្រណិត និងបំពាក់ដោយស្នាដៃសិល្បៈល្បីប្រណិតគ្មានពីរ ដែល@ ធ្វើដោយដៃ។ វាមានច្រើនពណ៌និងការរចនាផ្សេងៗគ្នាសម្រាប់ជ្រើសរើស
– កៅអីអង្គុយខាងក្រោយ បំពាក់ដោយផ្ទាំងអេក្រង់ HD ដំណើរការស្វ័យប្រវត្តិសម្រាប់កម្សាន្ត
– ស្បែកពូកកៅអីខាងក្នុងសុទ្ធតែមានគុណភាពខ្ពស់ ច្នៃចេញពីស្បែកសត្វកម្រៗ
– ផ្នែកខាងក្រោយបំពាក់ដោយ WiFi hotspot និងមានកូនទូដាក់ភេសជ្ជៈនិងស្រាជាដើម
– តាប្លូកុងទ័រមានមុខងារ Night Vision សម្រាប់សម្រួលដល់អ្នកបើកបរពេលយប់ និងមានប្រព័ន្ធកាមេរ៉ា Panoramic សម្រាប់មើលបរិវេណខាងក្រៅបានធំទូលាយ
– ផ្នែកដំបូលខាងក្នុងត្រូវបានបំពាក់ដោយប្រព័ន្ធពិសេស (Magical Fiber Optic Roof Lighting System) មានភ្លើងអុចៗតូចៗ ប្រៀបដូចជាផ្ទៃមេឃពេលយប់ពោរពេញដោយផ្កាយ។
ចំពោះតម្លៃ ៤៥ម៉ឺនដុល្លារសម្រាប់តែនៅទីផ្សារបរទេសទេ តែពេលមកដល់ទីផ្សារកម្ពុជាអាចនឹងក្បែរលានដុល្លារ។ នេះបើតាមការប្រាប់ខ្លះៗក្នុងហ្វេសប៊ុកផេក Car New Slyle៕
0 comment
0 comments:
Post a Comment