ញាក់សាច់!! ផ្ទះចល័តតម្លៃ ១,៧ លានដុល្លារ ដាក់ឡានបានទៀត! បើចូលមើលខាងក្នុងវិញពិតជាស្អាតហួសពីការគិតរបស់យើង (មានវីដេអូ)
ក្រុងប៊ែរឡាំង:
ការរចនាផ្ទះចល័តដ៏ទំនើបអស្ចារ្យនេះ វាពិតជាស័ក្ដិសមយ៉ាងឥតខ្ចោះ សម្រាប់អ្នកដែលមានទ្រព្យស្ដុកស្តម្ភ ខណៈដែលវាមិនត្រឹមតែត្រូវបានរចនាឡើងជាផ្ទះចល័តគ្រប់គ្រឿងប៉ុណ្ណោះទេ ប៉ុន្ដែថែមទាំងជាហ្គារ៉ាសរថយន្ដស្ព័រផងដែរ។
ផ្ទះចល័តនេះ គឺជារថយន្ដក្រុង Volkner Mobil Performance S ប្រវែង ១២ ម៉ែត្រ ដែលមានទាំងហ្គារ៉ាសតូចមួយនៅបាតរបស់វា អាចឲ្យម្ចាស់នាំយករថយន្ដស្ព័រតាមគ្រប់ទីកន្លែង។
Performance S គឺជាម៉ូដែលចុងក្រោយបំផុត នៅក្នុងរថយន្ត Volkner MobilE ដែលទទួលបានការពេញនិយមបំផុត វាប្រៀបបានដូចជាសណ្ឋាគារលំដាប់ផ្កាយ 5 ដែលអ្នកអាចចតនៅគ្រប់ទីកន្លែងដែលអ្នកចូលចិត្ត។ រថយន្តដែលមានលក្ខណៈទំនើប និងគួរឱ្យភ្ញាក់ផ្អើលនេះមានគ្រែពីរ ផ្ទះបាយយ៉ាងស្អាតមួយ បន្ទប់ទទួលភ្ញៀវធំទូលាយ និងបន្ទប់ទឹកក្តៅ។
ចំណតរថយន្តលាក់ខ្លួននៅផ្ទះចល័ត Performance S អាចរក្សាទុកប្រភេទរថយន្ដស្ព័រប្រណីតៗ ដូចជា ម៉ូដែល Ferrari, Porsche, BMW ឬ Mercedes ដែលចតនៅផ្នែកខាងក្រោម ដោយប្រើប្រព័ន្ធអគ្គិសនីរុញចេញចូល។
ក្នុងតម្លៃ ១,៧ លានដុល្លារ ផ្ទះចល័តប្រណីតនេះបំពាក់នូវផ្ទះបាយមួយឈុត បន្ទប់គេង បរិក្ខារឈើ និងស្បែក ប្រព័ន្ធកម្សាន្ដបច្ចេកវិទ្យាទំនើបចុងក្រោយ និងជញ្ជាំងដែលអាចបើកបិទសម្រាប់ផ្ដល់ទីទំនេរបន្ថែមដល់ម្ចាស់របស់វា។
សូមទស្សនាវីដេអូដូចខាងក្រោម៖
សូមទស្សនាវីដេអូ៖
0 comments:
Post a Comment