កំពត: នគរបាលខេត្តកំពត បានឃាត់ខ្លួនជនសង្ស័យម្នាក់ បន្ទាប់ពីជននោះ បានសារភាព និងនាំសមត្ថកិច្ចទៅយកវត្ថុតាង ដូចជា សម្លៀកបំពាក់ ក្រវិលជាដើម ដែលពាក់ព័ន្ធនឹងការប្រព្រឹត្តបទល្មើសក្នុងការរំលោភ ហើយសម្លាប់កុមារីវ័យ ៩ឆ្នាំ នៅភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត។
ជនសង្ស័យឈ្មោះ អើ សើវ៉ាន់ ហៅ អាគ អាយុ ២១ឆ្នាំ មានទីលំនៅភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត។ លោកឧត្តមសេនីយ៍ត្រី ម៉ៅ ច័ន្ទមធុរិទ្ធ ស្នងការរងទទួលបន្ទុកការិយាល័យកណ្តាលព្រហ្មទណ្ឌខេត្ត បានមាន ប្រសាសន៍ពេលបង្ហាញមុខ ជនសង្ស័យនៅចំពោះមុខអ្នកសារព័ត៌មាន បន្ទាប់ពីករណីឃាតកម្ម នៅភូមិទទឹងថ្ងៃ ឃុំបឹងទូក លោកវរសេនីយ៍ទោ សុក សាកាន នាយការិយាល័យបច្ចេកទេស និងលោកវរសេនីយ៍ទោ គង់ សុខន នាយការិយាល័យព្រហ្មទណ្ឌកម្រិតធ្ងន់ បានចុះទៅដល់គោលដៅភ្លាមៗ។
loading...
ក្រោយពីធ្វើកោសល្យវិច័យយ៉ាងល្អិតល្អន់ សមត្ថកិច្ចជំនាញសន្និដ្ឋានថា គឺជាករណីរំលោភ រួចសម្លាប់។ តាមរយៈនេះ មន្ត្រីជំនាញព្រហ្មទណ្ឌ បានហៅមនុស្សមួយចំនួន មកសាកសួរនៅស្នងការដ្ឋាន។ រហូតដល់រសៀលថ្ងៃដដែល ទើបជនសង្ស័យម្នាក់ ឈ្មោះ អើ សើវ៉ាន់ បានសារភាព ព្រមទាំងនាំសមត្ថកិច្ចទៅយកវត្ថុតាង រួមមាន ក្រវិលមួយគូ និងសម្លៀកបំពាក់របស់ជនរងគ្រោះ ដែលគេលាក់ទុក ក្រោយពេលប្រព្រឹត្តបទល្មើស។
ជាមួយនឹងវត្ថុតាងទាំងនោះ សមត្ថកិច្ច ក៏សម្រេចឃាត់ខ្លួនជនសង្ស័យតែម្តង។ លោកឧត្តមសេនីយ៍ បានបន្តថា ក្នុងអំពើឃាតកម្មរំលោភសម្លាប់នេះ ជនសង្ស័យប្រព្រឹត្តតែម្នាក់ឯងប៉ុណ្ណោះ មិនពាក់ព័ន្ធអ្នកដទៃឡើយ។ សូមបញ្ជាក់ថានៅភូមិទទឹងថ្ងៃ ឃុំបឹងទូក ស្រុកទឹកឈូ ខេត្តកំពត ខណៈពេលបើកទ្វារបម្រុងចុះដី ស្ត្រីម្នាក់ឈ្មោះ ប៉ាល់ ចេត អាយុ ៥២ឆ្នាំ បានប្រទះឃើញសពកុមារីម្នាក់ នៅយ៉ផ្ទះរបស់ខ្លួន ក៏ប្រញាប់ប្រញាល់រាយការណ៍ទៅសមត្ថកិច្ចមូលដ្ឋានភ្លាមៗ។ កុមារីរងគ្រោះក្នុងហេតុការណ៍នេះ ឈ្មោះ ស៊ូ នីតា អាយុ ៩ឆ្នាំ រស់ក្នុងបន្ទុកគ្រួសារ នៅភូមិឃុំកើតហេតុខាងលើ។
ស្ត្រីឈ្មោះ ឌៀប ជាម្តាយរបស់កុមារីរងគ្រោះ បានរៀបរាប់ថា នៅវេលាម៉ោងប្រហែល ១ រំលងអធ្រាត្រ គាត់បានឮស្នូរទ្វារផ្ទះបើកដែរ ដោយដឹងថា កូនស្រីគាត់ ចុះបត់ជើងតូច ទើបមិនចាប់អារម្មណ៍ ព្រោះជាធម្មតា នាងតែងតែចុះម្នាក់ឯង ហើយពេលបត់ជើងរួចរាល់នាងឡើងដេកវិញ។ ស្រាប់តែនៅព្រឹកព្រលឹមស្រាងៗ មានអ្នកភូមិទូរស័ព្ទប្រាប់ថា ឃើញកូនស្រីគាត់ ស្លាប់នៅលើផ្ទះរបស់គេ ដោយមានស្នាមបែកមុខមាត់ ក៏ប្រញាប់រត់ទៅមើលជាបន្ទាន់។ ម្តាយកុមាររងគ្រោះ បានបញ្ជាក់ថា ក្នុងហេតុការណ៍នេះ កូនស្រីគាត់បានបាត់ក្រវិលមាសទម្ងន់២ហ៊ុន ឯសម្លៀក បំពាក់ជាប់នឹងខ្លួននោះ មិនមែនជារបស់នាងទេ៕
0 comments:
Post a Comment