ខេត្តបាត់ដំបង៖
សមត្ថកិច្ចបានរាយការណ៍ថា ក្មេងប្រុសម្នាក់ស្លាប់ និងម្នាក់ទៀតរងរបួសស្រាល ក្រោយពីផ្ទុះគ្រាប់កាំភ្លើងត្បាល់ធុន៨០m.m កាលពីវេលាម៉ោង១១ព្រឹកថ្ងៃទី១៧ មករា នេះ ស្ថិតនៅក្នុងភូមិគីឡូ ឃុំត្រែង ស្រុករតនមណ្ឌល ។
សេចក្តីរាយការណ៍បន្តថា ក្មេងរងគ្រោះដែលបានស្លាប់មានឈ្មោះ សឿង សេង អាយុ១២ឆ្នាំ និងម្នាក់ទៀតមាឆនឈ្មោះ ឈ្មោះ រ៉ុម ពេជ្រ អាយុ១០ឆ្នាំ (រងរបួសស្រាល) ។ បើតាមសមត្ថកិច្ចនិយាយថា គ្រាប់ដែលផ្ទុះ
នោះ ជាប្រភេទគ្រាប់កាំភ្លើងត្បាល់ធុន៨០m.m ។ ពួកគេទាំង២ទំនងបានរើសគ្រាប់នោះ យកមកដំលេង ទើបបានជាផ្ទុះ បង្កឱ្យគ្រោះថ្នាក់បែបនេះ។
សមត្ថកិច្ចបានបញ្ជាក់ទៀតថា នៅកន្លែងកើតហេតុ គេរកឃើញសល់គ្រាប់ប្រភេទនេះទៀត ដែលពួកគេរើសយកមកលេង ។ ពេលនេះ មន្ត្រីមន្ត្រីជំនាញកំពុងសួរនាំ និងស្រាវជ្រាវរកកន្លែង ដែលពួកគេរើសបានគ្រាប់យុទ្ធភណ្ឌនោះ ដើម្បីរាយការណ៏ស្ថាប័នជំនាញ ៕
0 comments:
Post a Comment