ក្រៅពីសាច់ ត្រី ស៊ុត ទឹកដោះគោ…ពិតប្រាកដណាស់ បន្លែក៏សំខាន់ផងដែរ។ វាបានផ្តល់នូវវីតាមីន និងសារធាតុរ៉ែជាច្រើនដល់សុខភាពម្តាយ និងកូន ហើយបន្លែក៏ជាប្រភពនៃកាល់ស្យូមច្រើនទៀតផង។ ញ៉ាំបន្លែជួយឱ្យកូនកើតមកសុខភាពល្អ រាងកាយរឹងមាំ។ ខាងក្រោមនេះជាកំពូលបន្លែសម្បូរកាល់ស្យូមច្រើនបំផុត៖
ស្ពៃតឿ
សំបូរទៅដោយ ជាតិប៉ូតាស្យូម ស្ពៃតឿនេះពិតជាពោរពេញទៅដោយប្រភពជីវជាតិនៃធម្មជាតិពិតៗ ហើយនៅក្នុងនោះក៏មានជាតិប៉ូតាស្យូមដែរ។ ដែលគេសង្កេតឃើញថាជាតិប៉ូតាស្យូមនេះ តែងតែមាននៅក្នុងឳសថដែលយើងគ្រប់គ្នាប្រើប្រាស់ផ្សព្វផ្សាយ នោះមានន័យជាតិនេះល្អសំរាប់សុខភាព។
សម្បូរទៅដោយសារធាតុចិញ្ចឹមដែលជាប្រភពនៃកាល់ស្យូម និងវីតាមីន A, C អាស៊ីតហ្វូឡិច ជាតិដែក ប៊ែតា-ការ៉ូតែន ព្រមទាំងប៉ូតាស្យូមសម្រាប់សុខភាពរាងកាយទាំងមូល។ ម្តាយអាចច្របាច់យកទឹកវា ឬស្លរយកមកទទួលទាន។
ផ្កាខាត់ណា
សម្បូរវីតាមីន និងជាតិរ៉ែ ផ្កាខាត់ណា មានវីតាមីន C ដែលមនុស្សត្រូវការ យ៉ាងហោចណាស់ក៏ ៧៧ ភាគរយដែរ។ វាក៏ជាប្រភពដ៏អស្ចារ្យមួយ នៃវីតាមីន K, Thiamin, Riboflavin ជាតិសរសៃ ផូស្វ័រ វីតាមីន B6 វីតាមីន B9 ប្រូតេអ៊ីន ម៉ង់ហ្គាណែស ប៉ូតាស្យូម និងជីវជាតិបង្កើនសុខភាពផ្សេងៗទៀត។
ទឹកផ្កាខាត់ណា១កែវមានផ្ទុកសារធាតុរ៉ែច្រើនបំផុតដូចជា ម៉ាញ៉េស្យូម ប៉ូតាស្យូម ផូស្វ័រ ម៉ាញ៉េស្យូម និងជាតិដែក ជាពិសេសបន្លែនេះសម្បូរជាតិកាល់ស្យូម និងវីតាមីន K ដែលធាតុទាំង២នេះចាំបាច់ជួយឱ្យឆ្អឹងទារករឹងមាំ ការពារម្តាយពីជំងឺពុកឆ្អឹងទៅថ្ងៃអនាគត។
ទំពាំងបារាំង
ទំពាំងបារាំង ជាបន្លែដែលផ្អែមស្រួយ រសជាតិឆ្ងាញ់ ចម្អិនអាហារបានឆ្ងាញ់ មានគុណប្រយោជន៍ផ្នែកអាហារ សម្បូរវីតាមីន A វីតាមីន C ផូស្វ័រ និងកាល់ស្យូមខ្ពស់។
វាផ្ទុកនូវសារធាតុជាច្រើនរួមមាន៖ កាល់ស្យូម ប៉ូតាស្យូម វីតាមីន A, C, E…ដែលចាំបាច់បំផុតក្នុងការជួយដល់ការលូតលាស់ឆ្អឹង និងសន្លាក់របស់គភ៌។ មិនតែប៉ុណ្ណោះវត្តមានអាស៊ីតហ្វូឡិចក្នុងទំពាំងជួយដល់ការលូតលាស់ប្រព័ន្ធសរសៃប្រសាទរបស់ទារកផងដែរ។
ស្ពៃខ្មៅ
ស្ពៃខ្មៅក៏ផ្ទុកនូវពពួកវីតាមីនមួយចំនួនក្នុងកម្រិតដ៏ច្រើនលើសលុបដូចជា វីតាមីន A វីតាមីន K វីតាមីន C និងសារជារិរ៉ែមួយ ចំនួនទៀតដូចជា ជាតិសង្ក័សី សេលេញ៉ូម កាល់ស្យូម ម៉ាញ៉េស្យូម និងជាតិដែកជា ដើម។ សារជាតិដ៏សំខាន់ និងមានគុណប្រយោជន៍ខ្ពស់សម្រាប់សុខភាពទាំងអស់ដែលមានផ្ទុកនៅក្នុងស្ពៃខ្មៅនេះមានផលប្រយោជន៍ខ្ពស់ទៅលើជំងឺមួយចំនួនដូចជា ជំងឺ រលាកសន្លាក់ ជំងឺពុកឆ្អឹង។
សម្បូរទៅដោយកាល់ស្យូម វីតាមីន C, K ផូស្វ័រ ប៉ូតាស្យូម ស័ង្កសី ជួយឱ្យសាច់ដុំរឹងមាំ កាត់បន្ថយស្នាមសង្វារ។ ច្រើនជាងនេះ ជាតិស៊ីលីស្យូមក្នុងស្ពៃខ្មៅក៏ជួយការពារថ្លើម ហើយអាស៊ីតហ្វូឡិចជួយការពារប្រព័ន្ធសរសៃប្រសាទរបស់គភ៌។
ស្ពៃក្តោប
ស្ពៃក្តោបគឺសំបូរទៅដោយសារធាតុដែក និង ស្ពាន់ធ័រ ស្ពៃក្តោបគឺជាអាហារ ជួយធ្វើអោយសាច់ដុំរឹងមាំ,ជាអ្នកសំអាតឈាម និង ជាអ្នកពង្រឹងដល់សុខ។ ស្ពៃក្តោបជាប្រភពនៃកាល់ស្យូមច្រើនជាងទឹកដោះគោទៅទៀត។ វាសម្បូរវីតាមីន K សារធាតុចិញ្ចឹមដែលដើរតួសំខាន់ក្នុងការជួយបង្កើតកាល់ស្យូមក្នុងឆ្អឹង។
សាឡាត់
សាឡាត់សម្បូរទៅដោយកាល់ស្យូមជួយដល់ការលូតលាស់របស់គភ៌ និងឱ្យឆ្អឹង និងធ្មេញរឹងមាំ។ កាល់ស្យូមជួយឱ្យស្ត្រីមានផ្ទៃពោះគេចផុតពីបញ្ហាឆ្អឹងទ្រុឌទ្រោម។ ហើយសាឡាត់ក៏សម្បូរវីតាមីន A, B និងសារធាតុខនិជជួយរក្សាសុខភាពរាងកាយ និងបេះដូង។
ពពាយ
ពពាយមានផ្ទុកជាតិកាល់ស្យូមខ្ពស់បំផុតក្នុងការបង្កើតឆ្អឹងរបស់គភ៌។ វាមានផ្ទុកប្រូទីត អាស៊ីតគ្លុយតាមិច អាស៊ីតអាមីណូ លីស៊ីន មេទីអូនីន គីស្ទីន…ជាប្រភពនៃសារធាតុចិញ្ចឹមសម្រាប់ម្តាយ និងទារក។
សណ្តែកបណ្តុះ
សណ្តែកបណ្តុះ គឺជាបន្លែដែល មានកាឡូរីទាប និងមានវីតាមីន C ខ្ពស់។ អ្នកនឹងទទួលបាន អាហារដែល មានតម្លៃ ម្យ៉ាងនៅក្នុងអាហារ របស់អ្នក។ ក្នុងសណ្តែកបណ្តុះ ១០០ក្រាមមានផ្ទុកកាល់ស្យូម 38ក្រាម។ ហើយវាក៏សម្បូរទៅដោយប្រូទីត គ្លុយស៊ីត ផូស្វ័រ វីតាមីន B2, PP, B6, C, E…កាត់បន្ថយពីជំងឺពុកឆ្អឹងរបស់ម្តាយ ជួយបង្កើតកោសិកាឆ្អឹងរបស់ទារក៕
0 comments:
Post a Comment